საქველმოქმედო ორგანიზაცია "ჯანმრთელი ბავშვები" 2004 წელს დაარსდა, რომლის მიზანია, დაეხმაროს დაავადებულ პატარა პაციენტებს .

ორგანიზაციის პარტნიორია გერმანული ბავშვთა საქველმოქმედო ორგანიზაცია "ფრიდენსდორფ - ინტერნაციონალი" (FRIENDENSDORF INTERNATIONAL), რომელიც უკვე ხუთ წელზე მეტია აქტიურად თანამშრომლობს ქართულ ორგანიზაცასთან და ქართველ კოლეგებთან ერთად ზრუნავს მომავალი თაობის ჯანმრთელობაზე. სწორედ გერმანული ორგანიზაციის თაოსნობითა და მეცენატობით მოხერხდა ხუთი წლის წინ ქართული ორგანიზაციის დაფუძნება.

"ჯანმრთელი ბავშვები" დაარსების დღიდან მაქსიმალურად ცდილობს, დაეხმაროს სოციალურად დაუცველ ბავშვებს და ჯანმრთელობის პრობლემის მქონე 12 წლამდე ასაკის მოზარდებს.

ორგანიაზციის მიზანია, მოიძიოს ისეთი სოცილაურად დაუცველი პატარა პაციენტები, რომლებიც საჭიროებენ აუცილებელ სამედიცინო გამოკვლევასა და მკურნალობას. ასეთ ბავშვებს ორგანიზაცია საშუალებას აძლევს გაემგზავრნონ გერმანიის წამყვან კლინიკებში, სადაც მათ უტარდებათ მკურნალობის სრული კურსი უფასოდ.

დაავადება ათასგვარი არსებობს, ჯანმრთელობა კი -ერთი."