საბავშვო ბაღი „ბაბილინა 7“ გაიხსნა 2007 წლის 1 სექტემბერს. იგი მდებარეობს ეკოლოგიურად სუფთა და წყნარ ადგილზე; აღჭურვილია ბავშვის განვითარებისთვის აუცილებელი ინვენტარით; ფუნქციური უნარ-ჩვებების განმავითარებელი სათამაშოებით, საბავშვო კინოთეატრით, რელაქსაციის ოთახით. ბაღს აქვს ეზო, სადაც განთავსებულია პატარებისთვის გასართობი სხვადასხვა საშუალებები; ასევე აივანი, სადაც უამინდობის დროს ვახერხებთ ბავშვების სუფთა ჰაერზე გაყვანას. ბაბილინა 7 დაკომპლექტებულია მაღალკვალიფიციური პედაგოგებით და გამოცდილი ძიძებით. ბაღში შედგენილია 10-12 ბავშვიანი ასაკობრივი ჯგუფები საკუთარი პედაგოგით და ძიძით. ფუნქციონირებს რუსულ და ინგლისურენოვანი ჯგუფებიც.  მთელი დღის განმავლობაში, ბაღის სამსახურშია ფსიქოლოგი და პედიატრი, ასევე ხატვის, მუსიკის და ცეკვის პედაგოგები, რომლებიც გართობის ხერხით პატარებს ხელოვნებას აზიარებენ. დღის განმავლობაში გათვალისწინებულია სამჯერადი კვება. კერძები მზადდება მაღალი ხარისხის, ეკოლოგიურად სუფთა პროდუქტებით. შაბათ-კვირას მშობელთა სურვილისამებრ შექმნილია მორიგე პედაგოგთა ჯგუფი, და ასევე ფუნქციონირებს სიმღერისა და ხატვის სტუდია. ბაღს 24 საათის განმავლობაში იცავს კერძო დაცვის სამსახური, რომელიც პატარების უსაფრთხოების გარანტიაა.