გინეკოლოგი, მედიცინის დოქტორი, მადონა ჯუღელი, ი. ჟორდანიას სახელობის რეპროდუქციის სამედიცინო კვლევითი ინსტიტუტის ვაკის ფილიალის დირექტორი სამეცნიერო დარგში.

საქართველოს კოლოსკოპიის ფედერაციის პრეზიდენტი.

ქალბატონებო, დროულად იზრუნეთ თქვენს ჯანმრთელობაზე, რათა თავიდან აიცილოთ ტრაგიკული შედეგი!


რა არის კოლპოსკოპია?? კოლპოსკოპია არის საშოსა და საშვილოსნოს ყელის გამოკვლევა ბინოკულარული მიკროსკოპით. კოლპოსკოპი არის ენდოსკოპიური ინსტრუმენტი, რომელიც გამოიყენება საშოსა და საშვილოსნის ყელის ეპითელიუმის in vivo კვლევებისთვის შესაბამისი გადიდებისა და განათების პირობებში. პირველი კოლპოსკოპი შექმნა ჰამბურგელმა გინეკოლოგმა და მკვლევარმა ჰანს ჰინსელმანმა 1924 წლის დეკემბერში. ის ფიქრობდა, რომ საშვილოსნოს ყელის კიბო იწყება ეპითელიუმის ზედაპირზე პატარა კვანძის სახით, რომლის შეუიარაღებელი თვალით დანახვა შეუძლებელია. მან არამარტო დახვეწა კოლპოსკოპი, არამედ ჩაატარა მრავალი ექსპერიმენტი სხვადასხვა ქიმიური ნივთიერების გამოყენებით, რათა საშვილოსნოს ყელის ეპითელიუმის და მისი დაზიანების უკეთესი ვიზუალიზაციისთვის მიეღწია. ჰინსელმანის კვლევებმა და საშვილოსნოს ყელის სხვადასხვა დაავადების დიაგნოსტიკასა და სიმსივნის პრევენციაში კოლკოსკოპიის მნიშვნელობის დამტკიცებამ დასაბამი მისცა ტექნიკურ და მეთოდოლოგიურ პროგრესს. საშვილოსნოს ყელის დისპლაზიის დიაგნოსტიკაში კოლპოსკოპიის გამოყენება XX საუკუნის 60იან წლებში დაიწყო. ამ მეთოდის ფართოდ დანერგვის დაგვიანების მიზეზებს,ერთი მხრივ, გერმანელი მკლევარების შედეგების ნაკლები პოპულარიზაცია, მეორე მხრივ 1941 წელს პაპანიკოლაუსა და ტრაუტის მიერ საშვილოსნოს ყელის ინტრაეპითელური ნეოპლაზიის დიაგნოსტიკაში ექსფოლიაციური ციტოლოგიის იაფი და მარტივი მეთოდის, Pap ტესტის, დანერგვა წარმოადგენდა. კვლევებით დადასტურდა, რომ საშვილოსნოს ყელის სიმსივნური დაავადების სკრინინგისა და ადრეულ დიაგნოსტიკაში ამ ორი მეთოდის ერთობლივი გამოყენება უკეთეს შედეგებს იძლევა, ვიდრე რომელიმე მათგანის ცალკე. კოლპოსკოპია საუკეთესო შედეგებს იძლევა ციტოლოგიურ კვლევასთან კომპლექსში. გამოყენებული ლიტერატურა: საშვილოსნოს ყელის, საშოს და ვულვის დაავადებათა კოლპოსკოპიური დიაგნოსტიკისა და მართვის საფუძვლები. ავტორი: მადონა ჯუღელი ბესარიონ ტყეშელაშვილი ლალი ზაქარაია

კოლპოსკოპია DYSIS აპარატით. რა არის კოლპოსკოპია?კოლპოსკოპია ეს არის საშვილოსნოს ყელის მიკროსკოპიული დათვალიერება და მისი პათოლოგიების დიაგნოსტირება. დღემდე, ყველა ტრადიციული კოლპოსკოპი აღჭურვილია მსგავსი შესაძლებლობებით, სუბიექტურად - ექიმის თვალით ხდება ძმარმჟავა - თეთრი რეაქციის შეფასება და პათოლოგიების დიაგნოსტირება. DYSIS კოლპოსკოპია უნიკალურია!მას აქვს უნიკალური შესაძლებლობა საშვილოსნოს ყელის ძმარმჟავით დამუშავების შემდეგ ავტომატურად და არასუბიექტურად აღმოაჩინოს დაზიანებული უბანი. დაზიანებული კერის აღქმა ხდება სპეციალური სპექტრული სისტემის მეშვეობით (ე.წ. რუქა), რაც გამოისახება აპარატის ეკრანზე. რუქის სისტემა ექიმს საშუალებას აძლევს მაქსიმალური სიზუსტით მოახდინოს დაზიანებული უბნის ინტერპრეტაცია და საჭიროების შემთხვევაში ბიოფსია. კოლპოსკოპია DYSIS აპარატზე ზუსტი დიაგნოზის გარანტიაა!ოფისის დიაგნოსტიკური ჰისტეროსკოპია STORZ-ის აპარატით! •„საოფისე“ ჰისტეროსკოპია - ახალი ინოვაციური ტექნოლოგიიური მეთოდია ამბულატორიის პირობებში საშვილოსნოს ყელისა და ღრუს დასათვალიერებლად სპეციალური ოპტიკური ხელსაწყოს მეშვეობით, ასევე მიკრომანიპულაციების, მათ შორის ბიოფსიის ჩასატარებლად. მეთოდის უპირატესობაა ის, რომ არ საჭირობს საშვილოსნოს ყელის არხის გაფართოებას და ზოგად ანესთეზიას, რაც პროცედურის უმტკივნეულობითაა განპირობებული, ასევე პროცედურა გრძელდება 5-10 წუთი და არ საჭიროებს პაციენტის კლინიკაში დაყოვნებას. „საოფისე“ ჰისტეროსკოპიის მოწოდებულია ისეთი დაავადებების დროს, როგორიცაა საშვილოსნოს მიომა, საშვილოსნოს ღრუს ენდომეტრიოზი, ქრონიკული ენდომეტრიტი, უშვილობა და ნებისმეირი საშვილოსნოშიდა პათოლოგიები (ენდომეტრიუმის პოლიპები, ჰიპერპლაზია, შეხორცებები და სხვა).

ვულვის კონდილომების CO2-ლაზეროვაპორიზაცია ადამიანის პაპილომა ვირუსით (HPV) გამწვეული ვულვის კონდილომები სქეობრივი გზით გადამდები მეტად გავრცელებული დაავადებაა, ამიტომ მისი დროული და ეფექტური მკურნალობა, როგორც კიბოსწინარე პროცესის პრევენცია, საკმაოდ მნიშვნელოვანია.ამ მხრივ, ი.ჟორდანიას სახ.ადამიანის რეპროდუქციის ს/კ ინსტიტუტის (ვაკის ფილიალი) საშვილოსნოს ყელის დაავადებათა ადრეული დიაგნოსტიკისა და მკურნალობის ცენტრი მართლაც რომ ინოვაციურ და ეფექტურ მეთოდს გთავაზობთ.კერძოდ, ვულვის კონდილომების CO2-ლაზეროვაპორიზაციას. მეთოდი ითვალისწინებს ე.წ. „მოლეკულური ლაზერით“, რომელიც შედგება 6 ინფრაწითელი სხივისგან, დაზიანებული ქსოვილის დაშლას.მეთოდის უპირატესობაა უმტკივნეულობა და რეციდივების მინიმუმამდე შემცირება, ასევე მისი რეპროდუქციული ასაკის ქალებში გამოყენების შესაძლებლობა, ისე რომ არ გამოიწვიოს სტენოზი და მასთან დაკავშირებული უშვილობის განვითარება, რაც სხვა მეთოდებს ხშირად ახასიათებს

საშვილოსნოს ყელის ექსციზია-კონიზაცია მაღალი სიხშირის რადიოტალღებით რადიოსიხშირული რადიოქირურგიის აპარატით „Atmos Strobo 21 LED”-ის მეშვეობით მეთოდი ფართოდ გამოიყენება საშვილოსნოს ყელის დაზიანებული უბნების სამკურნალოდ. კერძოდ, რადიოტალღური დანით (სპეციალური ელეტროკონიზატორით) ხდება პათოლგიური უბნის კონუსისებური ამოკვეთა. მეთოდის უპირატესობებია ის, რომ ნაკვეთ ზონაში ტემპერატურა არ აღემატება 45-55 გრადუს ცელსიუს, რაც გამორიცხავს სითბური ნეკროზის უბნის გაჩენას და მინიმუმამდე ამცირებს პოსტოპერაციული ანთების განვითარების რისკს, ასევე ოპერაციული ჩარევა მოიცავს დროის მცირე მონაკვეთს და აპარატი იძლევა საშუალებას უსისხლოდ ჩატარდეს მანიპულაციები სისხლძარღვების, ნერვული ღეროებისა და დაბოლოებების მიდამოებშიც კი. აღნიშნული ჩარევა კეთდება DYSIS - ის კოლპოსკოპიური პასუხების შესაბამისად (ანუ ავტომატიურად და არა სუბიექტურად, ფასდება დაზიანების ადგილი ,სიღრმე და საზღვრები , რათა მოხდეს პათოლოგიის სრული ამოკვეთა და ნარჩენი დაავედების თავიდან აცილება.

წარუმატებელი ინ-ვიტრო პროცედურები არც თუ იშვიათია; ერთერთი მიზეზთაგანია არასრულფასოვანი ენდომეტრიუმი და გენეტიკურად არასრულფასოვანი ემბრიონი. მეცნიერება მუდმივ ძიებაშია თუ რა გზით ამაღლდეს წარმატებულობის ინდექსი ინ-ვიტრო განაყოფიერების დროს. ჩვენს მეგობარ უცხოურ კლინიკებში ბოლო დროს ისევე როგორც ჩვენთან სთავაზობენ ენდომეტრიუმის "სქრეთჩინგის" პროცედურას. რა არის ენდომეტრიუმის "სქრეთჩინგი" ? ეს არის სწრაფი და უსაფრთხო პროცედურა, რომელიც ტარდება სპეციალური კათეტერის მეშვეობით- პაიპელით ან საოფისე ჰისტეროსკოპიის პროცედურის დროს სპეციალური მაკრატლით და ხდება ენდომეტრიუმის მსუბუქი დაზიანება, "სქრეთჩინგის" საჭიროების შემთხვევაში შესაძლებელია ენდომეტრიუმის ბიოფსია და დიაგნოსტირება. პროცედურა ტარდება ციკლის ლუთეინურ ფაზაში 19-23-ე დღეს, ოპტიმალურია 21-ე დღე. სასურველია პროცედურა ჩატარდეს ინ-ვიტრო განაყოფიერების წინა ციკლში. ხსენებული პროცედურის შედეგად თითქმის ორჯერ მატულობს ემბრიონის იმპლანტაციის ხარისხი. პროცედურა ნაჩვენებია პაციენტებში, სადაც უშედეგოდ დასრულდა 2 ან მეტი ინ-ვიტრო განაყოფიერების პროცედურა ან კრიოციკლი (IVF, ICSI, FET) მიუხედავად კარგი ხარისხის ემბრიონებისა; სუროგატ დედებსა და ასაკოვან ქალბატონებში.

მადონა ჯუღელის ინტერვიუ

თანამედროვე მიმართულებები საშვილოსნოს ყელის დაავადებათა დიაგნოსტიკასა და მკურნალობაში

DySIS Animation

საშვილოსნოს კიბოს გამომწვევი პაპილომა ვირუსი და მისგან თავდაცვა

წიგნის პრეზენტაცია

წიგნის პრეზენტაცია